Carola Wasa

Carola Wasa, pe Carola von Wasa-Holstein-Gottorp pe Caroline Fredrika Franciska Stephanie Amalia Cecilia av Wasa (1833-1907), a oa ur briñsez svedat hag a voe diwezhañ rouanez rouantelezh Sachsen.

Merc'h e oa da Gustav von Swedenborg ha da Luise von Baden (1811–1854), ha merc'h-vihan da Gustav IV Adolf, roue Sveden diskaret en 1809.

Adalek deroù ar bloavezhioù 1850 e oa brudet da vezañ unan eus kaerañ priñsezed Europa. Klask a oa warni da zimeziñ, ha kaoz a voe d'he reiñ da Napoleon III, impalaer Bro-C'hall, kenderv a-bell dezhi. He zad avat a enebas, en abeg ma oa bet bec'h etre tiegezh Sveden ha hini Bonaparte da vare Bernadotte ha Napoleon.